Wiibʼ oxibʼ li naʼlebʼ
Saʼ li xbʼeen Sabado re Junio tqasikʼebʼ li nekeʼraj tzolok
«Yooko chi aatinak chirix li patzʼom aʼin. [Taakʼut chiru li patzʼom li wank toj saʼ raqik li hu La Atalaya 1 re Junio.] Kʼaru nakaakʼoxla chirix aʼin?» Kanabʼ naq tsumenq. Taachʼolobʼ li naʼlebʼ li wank rubʼel li patzʼom ut taayaabʼasi jun rehebʼ li raqal li Santil Hu. Taayeechiʼi re li tasal hu La Atalaya ut li ¡Despertad! ut taaye re joqʼe tatsutqʼiiq re xchʼolobʼankil li jun chik patzʼom.
La Atalaya 1 re Junio
«Rajlal chihabʼ waqibʼ miyon tana ebʼ li poyanam nekeʼkamk xbʼaan mayibʼk. Kʼaru tawiʼ naruhank xbʼaanunkil re naq inkʼaʼ chik tkʼulmanq aʼin?[Kanabʼ naq tsumenq.] Naabʼalebʼ naq nekeʼxtzol kʼaru naxkʼoxla li Yos chirix li mayibʼk inkʼaʼ naʼalaak saʼ xchʼoolebʼ mayibʼk ut wankebʼ nekeʼxkanabʼ chi junajwa. Rikʼin li raqal aʼin naabʼalebʼ nekeʼok xkʼoxlankil chanru nekeʼxkʼe saʼ chʼaʼajkilal ebʼ li qas qiitzʼin li wankebʼ chixkʼatq. [Taayaabʼasi 1 Corintios 10:24.] Li tasal hu La Atalaya naxkʼut naq xtzolbʼal li naxkʼoxla Yos naru naxbʼaanu naq wankebʼ teʼxkanabʼ mayibʼk.»
¡Despertad! Junio
«Wankebʼ nekeʼxye naq li redes sociales saʼ internet natenqʼank rehebʼ chi xtawbʼal naabʼalebʼ ramiiw. Abʼan, ma nakaanaw kʼaru li chaabʼil naʼlebʼ tento raj tixkʼutbʼesi junaq li qamiiw? [Kanabʼ naq tsumenq.] Arin tooruuq rilbʼal jun li eetalil chirix li chaabʼil naʼlebʼ li naxkʼe li Santil Hu naq naʼaatinak chirix li wank saʼ amiiwil. [Taayaabʼasi Santiago 1:19.] Saʼ li tasal hu ¡Despertad! naxchʼolobʼ kaahibʼ li chaabʼil naʼlebʼ li naru natenqʼank qe re naq ebʼ li qamiiw teʼwulaq chiru li qanaʼlebʼ.»