Wiibʼ oxibʼ li naʼlebʼ

Saʼ li xbʼeen Sabado re Diciembre tqasikʼebʼ li nekeʼraj tzolok

«Naabʼalebʼ li naʼbʼej yuwaʼbʼej nekeʼraj naq ebʼ li xkokʼal teʼxtzol chirix li Yos ut teʼxtzol ajwiʼ xraabʼal. Kʼaru raj us naq nakaaye: naq ebʼ li yuwaʼbʼej teʼxkʼut chiruhebʼ li xkokʼal, malaj ebʼ li kokʼal teʼxtzol ribʼ xjunes?» Kanabʼ naq tsumenq. Taakʼut chiru li naʼlebʼ li wank toj chirix li tasal hu La Atalaya 1 re Diciembre, ut taayaabʼasi re li xbʼeen patzʼom ut jun li raqal li Santil Hu. Taayeechiʼi re li tasal hu La Atalaya ut li ¡Despertad! ut taaye re joqʼe tatsutqʼiiq re xchʼolobʼankil chiru li xkabʼ patzʼom.

La Atalaya 1 re Diciembre

«Yooko chi numeʼk junpaataq re aatinak chirix li Yos. Yaal naq jalan jalanq qakʼaʼuxl chirix aʼin, abʼan, ma chixjunilebʼ nekeʼxkʼoxla naq li Yos yal jun musiqʼej, malaj nekeʼril joʼ ramiiw li naxkʼe xchʼool chirixebʼ? [Kanabʼ naq tsumenq.] Li Santil Hu naxkʼut chanru naraj li Yos naq toowanq saʼ amiiwil rikʼin. [Taayaabʼasi Santiago 4:8a.] Li tasal hu aʼin naxkʼut oxibʼ li naʼlebʼ li tooxtenqʼa chi jilok chixkʼatq li Yos.»

¡Despertad! Diciembre

«Yooko chi aatinak chirix jun li yajel li yook wiʼ xkʼaʼuxebʼ naabʼal li qas qiitzʼin. Li molam Organización Mundial de la Salud kixye naq wank jun li yajel li napoʼok re li kʼaʼuxej. Li yajel aʼin aʼan li xnimal rahil chʼoolejil malaj li depresion. Ut saʼ xyanq kaahibʼ chi qas qiitzʼin jun ajwiʼ nakʼuluk re. Ma nakaakʼoxla naq naabʼalebʼ yookebʼ xkʼulbʼal li yajel aʼin? [Kanabʼ naq tsumenq.] Li Santil Hu naxye naq saʼ li kutan chaalel maakʼaʼaq chik li yajel chi moko li rahilal. [Taayaabʼasi Apocalipsis 21:3, 4.] Saʼ li tasal hu aʼin naxchʼolobʼ wiibʼ oxibʼ li naʼlebʼ li tento tqanaw chirix li yajel aʼin.»