Tzol chiʼus li puktesink, kʼe aachʼool chirixebʼ li qas qiitzʼin
Kʼaʼut aajel ru xbʼaanunkil. Li Jesus kixkʼe chaq xchʼool chirixebʼ li qas qiitzʼin. Saʼ jun kutan naq li Jesus xkoho chi xkʼirtasinkil jun li winq tzʼapxik, kixkʼe reetal naq txuwaq. Joʼkan naq, kirisi chiruhebʼ re naq inkʼaʼ chik teʼril (Mar. 7:31-35). Kixkʼe chaq xchʼool chirixebʼ li xtzolom ut inkʼaʼ kixkʼe rehebʼ naabʼal li esil xbʼaan naq naxnaw naq inkʼaʼ teʼxkuy rabʼinkil (Juan 16:12). Usta li Jesus wank saʼ choxa toj naxkʼe xchʼool chirixebʼ li qas qiitzʼin (2 Tim. 4:17). Laaʼo joʼ aj paabʼanel naqayal ajwiʼ xkʼambʼal qe rikʼin (1 Ped. 2:21; 1 Juan 3:16, 18). Re naq tooruuq xtawbʼalebʼ li nekeʼraj rabʼinkil Raatin li Yos saʼ li puktesink, tento tqakʼe qachʼool chi xkʼoxlankil li xyuʼamebʼ, li nekeʼraj ut li xkʼaʼuxebʼ. Maare teʼraj qabʼinkil wi nekeʼxkʼe reetal naq wanko rikʼinebʼ xbʼaan naq naqakʼoxlahebʼ chi anchal qachʼool ut maawaʼ yal re xkʼeebʼal junaq li esil malaj junaq li tasal hu.
Yal xbʼaanunkil aʼin chiru jun po:
Tzol chanru tat-aatinaq chirix junaq li naʼlebʼ li twulaq chiru junaq li qas qiitzʼin, ut aʼin taabʼaanu saʼ li hoonal naq yooqat xloqʼoninkil li Yos joʼ junkabʼal, malaj saʼ li puktesink.
Li hermaan li t-isinq re li chʼuut saʼ li puktesink naru tixchʼolobʼ chanru xbʼaanunkil re xkʼeebʼal qachʼool chirixebʼ li qas qiitzʼin, malaj tixkʼe junaq li kʼutbʼesink.