Wiibʼ oxibʼ li naʼlebʼ

Li nimla kʼanjel re xjultikankil li xkamik li Jesus

«Ma saʼ laachʼool? Yookin xkʼebʼal resil jun li nimla chʼutam ut nawaj naq tatwulaq. Saʼ li 3 re Abril naabʼalebʼ li qas qiitzʼin re chixjunil li Ruuchichʼochʼ teʼxchʼutubʼ ribʼ re xjultikankil li xkamik li Jesus ut twanq jun li seeraqʼ chirix chanru nokooxtenqʼa li xkamik. Saʼ li hu aʼin naxchʼolobʼ li hoonal ut li naʼaj bʼarwiʼ twanq li chʼutam aʼin.»

La Atalaya 1 re Marzo

«Saʼ li 3 re Abril tqanima li xkamik li Jesus. Wiibʼ oxibʼ rehebʼ li qechkabʼal li wankebʼ saʼ li teep aʼin teʼxchʼutubʼ ribʼ qikʼin re xjultikankil li xkamik. Abʼanan, wankebʼ nekeʼxkʼoxla naq maakʼaʼ xwankil saʼ li qayuʼam li xkamik li Jesus. Ut laaʼat, kʼaru nakaakʼoxla? Ma nokooxtenqʼa li xkamik ut li xwaklijik wiʼ chik chi yoʼyo? [Kanabʼ naq tsumenq.] Kʼe reetal kʼaru naxkʼut li Raatin li Yos chirix aʼin. [Taayaabʼasi 1 Corintios 15:22, 26.] Li tasal hu aʼin naxchʼolobʼ naq saʼ xkʼabʼaʼ li xkamik li Jesus, saʼ li kutan chaalel maajunwa chik teʼkamq li qas qiitzʼin li wanqebʼ saʼ Ruuchichʼochʼ.»

Resil Xyuʼamebʼ li Winq ut Ixq saʼ li Santil Hu

«Ma sa laachʼool? Joʼ aawechkabʼal nawaj xkʼebʼal aawe jun li chaabʼil esil. Ma ak xaakʼoxla jun sutaq, ma tooruuq xtawbʼal saʼ junaq kutan li sahil chʼoolejil? [Kanabʼ naq tsumenq. Taate li tasal hu saʼ li tzolom 115 ut taakʼut chiru li eetalil. Tojaʼ naq taayaabʼasi li xkabʼ raqal re li tzolom.] Chʼolchʼo chiqu naq ttzʼaqloq ru aʼin xbʼaan naq li Yos nayeechiʼink re. [Taayaabʼasi 2 Pedro 3:13.] Li tasal hu aʼin kiyiibʼamank re naq chiqajunilo tqataw ru naq li Yos nokooxra ut naxkʼe xchʼool chiqix. [Taayeechiʼi li tasal hu aʼin.]»