Wiibʼ Oxibʼ li Naʼlebʼ

Saʼ li Xbʼeen Sabado re Marzo Tqasikʼebʼ li Nekeʼraj Tzolok

«Yal junpaat ajwiʼ li qajom, yooko xjultikankil chiruhebʼ li qas qiitzʼin naq twanq jun li chʼutam saʼ li 14 re Abril. Saʼ li kutan aʼin Tqanima Xkamik li Jesus. Wankebʼ li poyanam nekeʼxchʼutubʼ ribʼ re xjultikankil li kutan aʼin xbʼaan naq nekeʼxkʼoxla naq wank xwankil li xkamik li Jesus, abʼan wankebʼ inkʼaʼ nekeʼxnaw ma wank tzʼaqal xwankil. Ut laaʼat kʼaru nakaakʼoxla, ma nokooxtenqʼa chiqajunqal li xkamik li Jesus?» Kanabʼ naq tsumenq. Ut chirix chik aʼan taakʼut chiru li naʼlebʼ li wank toj chirix li tasal hu La Atalaya 1 re Marzo ut teetzʼil li xbʼeen patzʼom ut taayaabʼasi jun raqal li Santil Hu. Taayeechiʼi ebʼ li tasal hu La Atalaya ut li ¡Despertad! ut taaye re joqʼe tatsutqʼiiq re xchʼolobʼankil chiru li xkabʼ patzʼom.

La Atalaya 1 re Marzo

«Naabʼalebʼ li qas qiitzʼin nekeʼxkʼoxla kʼaʼut naq li Yos inkʼaʼ narisi li rahilal ut li maaʼusilal. Ut laaʼat ma nakaakʼoxla naq wank li rahilal xbʼaan naq li Yos inkʼaʼ nokooxkʼoxla malaj nakaakʼoxla naq us chiru li Yos naq naqakʼul li rahilal? [Kanabʼ naq tsumenq. Ut taayaabʼasi Juan 3:16.] Usta naabʼalebʼ nekeʼroksi li raqal aʼin re xkʼutbʼesinkil naq li Yos nokooxra, inkʼaʼ nekeʼxnaw chanru nokooxtenqʼa li xkamik li Ralal li Yos. Li tasal hu aʼin naxkʼut chanru tixbʼaanu li xkamik li Jesus re risinkil li maaʼusilal ut li rahilal li wank saʼ ruuchichʼochʼ.»

¡Despertad! Marzo

«Yooko chi aatinak chirix jun raqal li Santil Hu li inkʼaʼ nekeʼxtaw ru ebʼ li qas qiitzʼin. [Taayaabʼasi Genesis 1:1.] Wankebʼ nekeʼxye naq li choxachʼochʼ wank aj yiibʼahom re, abʼan wankebʼ inkʼaʼ nekeʼxpaabʼ. Ut laaʼat, kʼaru nakaakʼoxla chirix aʼin? [Kanabʼ naq tsumenq.] Naabʼalebʼ li poyanam inkʼaʼ nekeʼxpaabʼ naq wank aj yiibʼahom re chixjunil li wank xyuʼam xbʼaan naq ebʼ laj kʼamol bʼe saʼebʼ li paabʼal nekeʼxkʼut li inkʼaʼ naxye li Santil Hu. Saʼ li tasal hu aʼin naxchʼolobʼ chi tzʼaqal re ru li naxye li Santil Hu chirix xtiklajik li choxachʼochʼ.»