Qakʼubʼaq qibʼ chiʼus re xnimankil li xkamik li Jesus
Saʼ li 13 re Nisan re li chihabʼ 33, li Jesus kixnaw naq jun qʼoqyink aj chik twanq rochbʼenebʼ li ramiiw, tojaʼ naq tkamsiiq. Ut jun aj chik li Paswa tixnumsi rikʼinebʼ ut choʼq reeqaj li paswa tjultikamanq li xkamik. Saʼ xkʼabʼaʼ naq li ninqʼe aʼin wank xwankil kiʼajmank naq tkʼubʼamanq chiʼus. Joʼkan naq kixtaqla laj Pedro ut laj Juan re naq teʼril chaq aʼin (Luc. 22:7-13). Chalen chaq li kutan aʼin, kiʼajmank naq chiqajunilo joʼ tzʼaqal aj paabʼanel tqakʼubʼ qibʼ chiʼus re xnimankil li xkamik li Jesus (Luc. 22:19). Qilaq kʼaru tento tqabʼaanu re xkʼubʼankil qibʼ anaqwan naq toj maajiʼ nawulak li kutan 3 re Abril.
Li tento teʼxbʼaanu ebʼ laj puktesinel:
Tento teʼtzʼaqonq chiʼus saʼ li nimla kʼanjel re xjekʼinkil li hu chirix li xkamik li Jesus.
Xkʼebʼal chiru hu xkʼabʼaʼebʼ li nekeʼtzolok chirix li Santil Hu, ebʼ li qakomon, ebʼ li qechtzolom malaj qechkʼanjel ut li naqanawebʼ ru re xkʼambʼalebʼ saʼ li chʼutam aʼin.
Tento rilbʼal ebʼ li raqal li Santil Hu chiru li xamaan naq tjultikamanq xkamik li Jesus ut xkʼebʼal qachʼool chi xkʼoxlankil li xqatzol.
Xkʼulbʼalebʼ chiʼus li teʼwulaq saʼ li chʼutam.