Ma yookat xkawresinkil aawibʼ re xnimankil li xkamik li Jesús?

Jun aj chik li Paswa tixnima li Jesús ut jwal oxloqʼ chaq. Chi seebʼ tkamq, joʼkan naq kiraj xnimankil li Paswa rikʼinebʼ li xtzolom ut xyeebʼal rehebʼ naq chalen li kutan aʼan teʼoq xnimankil li xkamik. Kixye re laj Pedro ut laj Juan naq teʼxkawresi jun li naʼaj (Lu 22:7-13; chaawil li jalam u li wank chiru). Aʼin naxjultika qe naq tqakawresi qibʼ re xnimankil li xkamik li Jesús saʼ li 27 re marzo. Ebʼ li chʼuut ak xeʼxsikʼ chik ani tkʼehoq re li seeraqʼ, li kaxlanwa ut li bʼiin ut jalan chik. Abʼanan, kʼaru tqabʼaanu chiqajunqal re naq kawresinbʼilaqo saʼ li kutan aʼan?

Qakawresihaq li qachʼool. Qakʼoxlaq rix li xraqal li Santil Hu li tqayaabʼasi saʼ xqʼehil li xnimankil li xkamik li Jesús. Tqataw xtusulal saʼ li hu Qatzʼilaq rix li Raatin li Yos wulaj wulaj. Wank xkomon li naʼlebʼ saʼ li hu Li tooxtenqʼa chi xtzolbʼal Raatin li Yos saʼ li tasal 16 ut saʼ Xhuhil li qachʼutam re abril 2020. Wi taawaj xtzʼilbʼal rix rikʼin laajunkabʼal li xwankil li xkamik li Jesús, taataw xkomon li naʼlebʼ saʼ li hu Índice de las publicaciones Watch Tower ut saʼ Li hu li natenqʼank rehebʼ laj Testiiw re li Jehobʼa.

Qabʼoqakebʼ li junchʼol. Qakʼehaq qachʼool chi xbʼoqbʼalebʼ li poyanam chi xnimankil li xkamik li Jesús. Anihebʼ raj tqabʼoq? Ebʼ li xqulaʼani chaq, li xeʼxtzol chaq li Santil Hu, li qakomon ut li naqanawebʼ ru. Ebʼ li cheekel winq tento teʼxbʼoqebʼ li hermaan li keʼxkanabʼ kʼanjelak chiru li Yos. Wi wank ani moko wank ta saʼ li qateep, naru naqataw saʼ jw.org li hoonal ut li naʼaj bʼarwiʼ tqanima li xkamik li Jesús. Taapitzʼ bʼarwiʼ naxye CHIQIX ut bʼarwiʼ naxye «Xnimankil li xkamik li Jesus».

Kʼaru chik taabʼaanu re xkawresinkil aawibʼ?