Ani chik tinruuq xbʼoqbʼal?

Rajlal chihabʼ nabʼaanumank jun li nimla kʼanjel re xbʼoqbʼalebʼ li poyanam chi xnimankil li xkamik li Jesús. Naabʼal rehebʼ aʼin inkʼaʼ naqanawebʼ ru. Abʼan us ajwiʼ xbʼoqbʼal li naqanawebʼ ru. Maare li poyanam twulaq wi nabʼoqeʼk xbʼaan li naxnaw ru (yb08-S 11 raqal 3; 14 raqal 1). Ani tooruuq xbʼoqbʼal?

• Li qajunkabʼal.

• Li qechkʼanjel malaj qechtzolom.

• Li qechkabʼal.

• Li naqulaʼani wiʼ chik, li yook xtzolbʼal li Santil Hu malaj li kixkanabʼ tzolok.

Ebʼ li cheekel winq tento teʼxbʼoqebʼ li hermaan li keʼxkanabʼ kʼanjelak chiru li Yos. Chanru tatruuq xbʼoqbʼal li nakaanaw ru usta najt wank? Sikʼ li hoonal ut li naʼaj bʼarwiʼ t-uxmanq saʼ li teep bʼarwiʼ wank li poyanam aʼin. Re xbʼaanunkil aʼin, taapitzʼ bʼarwiʼ naxye CHIQIX li wank saʼ xtiklajik li qanaʼaj jw.org, ut taapitzʼ bʼarwiʼ naxye «Xnimankil li xkamik li Jesus». Naq toj maajiʼ nawulak li kutan aʼin, kʼoxla anihebʼ tatruuq xbʼoqbʼal ut taabʼaanu.