Tzol chiʼus li puktesink, sikʼ chanru teʼraj xtzolbʼal li Santil Hu li ak yookebʼ xkʼulbʼal li hu La Atalaya

Kʼaʼut aajel ru xbʼaanunkil. Naabʼalebʼ li qas qiitzʼin nekeʼwulak chiru li hu La Atalaya abʼan inkʼaʼ nekeʼraj xtzolbʼal li Santil Hu qikʼin maare xbʼaan naq sahebʼ saʼ xchʼool rikʼinebʼ li xpaabʼal malaj maakʼaʼebʼ xhoonal. Abʼan naru nakʼiik li xrahomebʼ chirix li Raatin li Yos xbʼaan naq rajlal nekeʼril xsaʼ ebʼ li tasal hu (1 Ped. 2:2). Maare junaq rehebʼ li naʼlebʼ li wank chisaʼ t-eekʼasinq re xchʼoolebʼ malaj tjalaaq xyuʼamebʼ. Ut wi junelik tqulaʼanihebʼ, tqakʼe reetal kʼaru nekeʼraj ut chirix kʼaru yook wiʼ xkʼaʼuxebʼ, ut teʼxseeraqʼi qe li nekeʼxkʼul. Ut maare moqon teʼraj tzolok chirix li Santil Hu.