Tzol chiʼus li puktesink, tikibʼ xtzolbʼal junaq li qas qiitzʼin saʼ li rokebʼaal rikʼin li folleto Li Chaabʼil Esil li Nachalk Rikʼin li Yos
Kʼaʼut aajel ru xbʼaanunkil. Tento tqanaw kʼutuk chiʼus re xtenqʼankilebʼ li qas qiitzʼin chi wank choʼq xtzolom li Jesus (Mat. 28:19, 20). Chiqajunilo tooruuq xkʼutbʼal chiʼus li yaal wi naqoksi chiʼus ebʼ li tasal hu. Li Chaabʼil Esil li Nachalk Rikʼin li Yos aʼan jun rehebʼ li tasal hu aʼin. Ut tooruuq ajwiʼ roksinkil aʼin re xtzolbʼal junaq li poyanam naq yooko rulaʼaninkil saʼ li xbʼeen sut saʼ li rokebʼaal.
Yal xbʼaanunkil aʼin chiru jun po:
Tijon re naq t-alaaq saʼ laachʼool xtzolbʼal junaq li poyanam. Tzʼaama re li Jehobʼa naq tatxtenqʼa chi xtawbʼal junaq laatzolom ut re naq tatruuq xkʼutbʼal chiʼus li yaal (Filip. 2:13).
Tzol kʼaru taaye naq taaloqʼoni li Yos saʼ junajil joʼ junkabʼal malaj naq tattzoloq aajunes. Ut chi joʼkan inkʼaʼ tatxuwaq chi aatinak chi moko chʼaʼajkaq ta chaawu xtzolbʼal junaq li qas qiitzʼin saʼ li rokebʼaal.