Wiibʼ oxibʼ li naʼlebʼ

La Atalaya 1 re Julio

«Saʼebʼ li qakutan junelik wanko saʼ xiwxiw. Joʼkan naq, kʼaru nakaaye chirix li naʼlebʼ li kixkʼe chaq li Jesus? [Chaawil Mateo 6:25, ut kanabʼ naq tsumenq.] Li jalan jalanq chi naʼlebʼ li wank saʼ li tasal hu aʼin nokooxtenqʼa chi rilbʼal naq li naxye li Santil Hu re xtuqubʼankil qachʼool nakʼanjelak choʼq qe.»

Li Chaabʼil Esil li Nachalk Rikʼin li Yos

«Peʼyaal naq wank sut nokootijok chiru li Yos naq wanko saʼ chʼaʼajkilal? [Kanabʼ naq tsumenq.] Ma narabʼi tawiʼ li Yos chixjunil ebʼ li tij malaj wankebʼ li tij li inkʼaʼ nawulak chiru? [Kanabʼ naq tsumenq.] Wank wikʼin jun li folleto li naxkʼut bʼar re li Santil Hu tooruuq xtawbʼal xsumenkil ebʼ li patzʼom aʼin. [Kʼe junaq li folleto re li qas qiitzʼin ut chʼolobʼ chiru li xbʼeen raqal re li tzolom 12, joʼ ajwiʼ ebʼ li raqal li Santil Hu li naxye «Chaawil».] Nasahoʼk saʼ qachʼool xnawbʼal naq li Yos naxye qe naq toojiloq chixkʼatq rikʼin li qatij ut re naq tqataw li maatan aʼin tento tqanaw ru chiʼus. [Sikʼ li tzolom 2 ut taakʼut chiru ebʼ li xkabʼ xjolomil li tzolom.] Wi nakaawaj, naru ninkanabʼ aawe li folleto ut tinsutqʼiiq saʼ jun chik kutan re xkʼutbʼal chaawu chanru naxsume li Santil Hu ebʼ li patzʼom aʼin.»