Li nimla kʼanjel chirix li xhuhil li nimla chʼutam re oxibʼ kutan

Rajlal chihabʼ kʼajoʼ naq nasahoʼk saʼ qachʼool chi xkʼulbʼal li naʼlebʼ li naxkʼe qe li Yos saʼ li nimla chʼutam re oxibʼ kutan. Saʼ xkʼabʼaʼ naq  naqaj naq naabʼalebʼ chik teʼxtaw rusilal li Jehobʼa, tqakʼe qachʼool chi xjekʼinkil li hu re chixjunilebʼ li qas qiitzʼin (Sl 34:8). Li chʼuut chi cheekel winq re li junjunq chi chʼuut teʼxkʼubʼ chanru tjekʼimanq chiʼus li hu aʼin.

LI WANQ SAʼ LI QACHʼOOL

• Joqʼe twanq linnimla chʼutam?

• Joqʼe ttiklaaq li nimla kʼanjel saʼ linchʼuut?

• Joqʼe twanq ebʼ li chʼutam chirix li puktesink?

• Kʼaru li kʼanjel nawaj xtawbʼal naq twanq li nimla kʼanjel aʼin?

• Ani tinkʼehebʼ xhu?

QAYEECHIʼIQ LI HU

Naq ak xaakʼe xsahil xchʼool, naru nakaaye:

«Yooko chi tzʼaqonk saʼ jun li nimla kʼanjel saʼ chixjunil li Ruuchichʼochʼ, re naq ebʼ li poyanam teʼruuq chi wulak. Li xkutankil, li xhoonal ut li naʼaj bʼarwiʼ t-uxmanq wank chi tzʼiibʼanbʼil chiru li hu aʼin. Twulaq raj chiqu naq tooʼaawochbʼeni.»

QATENQAHEBʼ LI NEKEʼRAJ

Usta naqaj naq naabʼalebʼ teʼkʼulunq, qatenqʼahebʼ li nekeʼraj rabʼinkil li esil.

Chiru li Sabado ut li Domingo naru nakaayeechiʼi li hu La Atalaya malaj li ¡Despertad!, li tyeechiʼimanq chiru li po, rikʼin li xhuhil li nimla chʼutam.