Ma yookat roksinkil li hu chirix jw.org?

Saʼ xkʼabʼaʼ naq nachʼ wank li nimla rahilal, jwal aajel ru naq inkʼaʼ tqakanabʼ puktesink (Pr 24:11, 12, 20). Li hu chirix jw.org aʼan jun rehebʼ li naʼlebʼ re xtenqʼankilebʼ li poyanam, li hu aʼin nakʼamok saʼ li Raatin li Yos ut saʼ li qanaʼaj saʼ Internet. Chiru li hu aʼin wank jun li kaaxukuut li nokooxkʼam saʼ li bʼideo Kʼaʼut Us naq Tattzoloq Chirix li Santil Hu? ut nakʼanjelak ajwiʼ re xpatzʼbʼal xkomon li naʼlebʼ malaj re xpatzʼbʼal li tzolom chirix li Santil Hu. Wankebʼ inkʼaʼ nekeʼraj ebʼ li tasal hu, abʼan nekeʼraj rilbʼal li qanaʼaj saʼ Internet jw.org. Wi joʼkan, matkʼoxlak chi xkʼebʼal re jun rehebʼ li hu aʼin. Abʼanan, maakʼe rehebʼ li inkʼaʼ nekeʼraj rabʼinkil li esil.

Yalaq joqʼe naru nakaataw junaq li poyanam li twulaq chiru xnawbʼal chirix li naqapaabʼ yal rikʼin xyeebʼal: «Nawaj xkʼebʼal aawe li hu aʼin. Chiru wank jun li naʼaj saʼ Internet re naq taawil junaq li naʼlebʼ ut ebʼ li bʼideo chi sibʼil bʼarwiʼ wank jalan jalanq li naʼlebʼ» (Jn 4:7). Saʼ xkʼabʼaʼ naq jwal kachʼin, naru nakaakʼam junelik chaawix re naq taayeechiʼi naq tixkʼe ribʼ chaawu.