QAYUʼAM JOʼ AJ PAABʼANEL
Tzol chiʼus li puktesink: Tzol roksinkil jw.org
KʼAʼUT US XBʼAANUNKIL. Chixjunil ebʼ li hu ut ebʼ li bʼideo li wank saʼ li kʼanjelobʼaal re kʼutuk nekeʼaatinak chirix jw.org. Joʼkan ajwiʼ, li hu chirix jw.org joʼ ajwiʼ li tratado Bʼar tqataw xsumenkil ebʼ li xninqal ru patzʼom chirix li qayuʼam? xkʼubʼamank re xkʼutbʼal chiruhebʼ li poyanam li qanaʼaj saʼ Internet. Naru naqoksi jw.org re xtaqlankil junaq rehebʼ li hu malaj li bʼideo li wank saʼ li kʼanjelobʼaal re kʼutuk, maare re rilbʼal saʼ ulul chʼiichʼ malaj li xjayalil re xsikʼbʼal. Aʼin jwal nakʼanjelak naq nokoopuktesink rikʼinebʼ li jalanebʼ raatinobʼaal. Wank sut, tento ajwiʼ tqasume ebʼ li patzʼom li inkʼaʼ natawmank saʼ li kʼanjelobʼaal re kʼutuk. Rikʼin aʼin, wi naqanaw roksinkil chiʼus li qanaʼaj saʼ Internet, us tqabʼaanu li qakʼanjel saʼ li puktesink.
CHANRU XBʼAANUNKIL:
Oksi li tasal «LI NAXKʼUT LI SANTIL HU». Jun li eetalil, re xtenqʼankil junaq li yuwaʼbʼej li naraj xnawbʼal chanru xkʼirisinkil ebʼ li xkokʼal, sikʼ bʼarwiʼ naxye LI NAXKʼUT LI SANTIL HU > LI SUMLAAK UT LI JUNKABʼAL.
Oksi li tasal «EBʼ LI KʼANJELOBʼAAL». Jun li eetalil, wi jun li saaj yook chi aatinak rikʼin jun li rechtzolom ut naraj xkʼutbʼal chiru li folleto Xsumenkil 10 li patzʼom rehebʼ li saaj, naru naxsikʼ EBʼ LI KʼANJELOBʼAAL > TASAL HU UT FOLLETO.
Oksi li tasal «CHIQIX». Jun li eetalil, wi yookat chi aatinak rikʼin laawechkʼanjel ut nakaawaj xchʼolobʼankil rikʼin wiibʼ oxibʼ li aatin li nakaapaabʼ, sikʼ bʼarwiʼ naxye SOBRE NOSOTROS > PREGUNTAS FRECUENTES.
NAQ AK XAAWIL LI BʼIDEO TZOL ROKSINKIL JW.ORG, KʼOXLA KʼARU XTASALIL LI QANAʼAJ SAʼ INTERNET TAAWOKSI RAJ SAʼEBʼ LI NAʼLEBʼ AʼIN:
Re raatinankil junaq li poyanam li inkʼaʼ naxpaabʼ naq wank jun li Yos.
Re xkʼojobʼankil xchʼool junaq li poyanam li tojaʼ xkʼul junaq li rahilal.
Re xtenqʼankil junaq li hermaan li kixkanabʼ kʼanjelak chiru li Yos.
Re xchʼolobʼankil bʼar nachalk xtuminal li qakʼanjel.
Re xtenqʼankil junaq li poyanam li traj wulak saʼebʼ li chʼutam naq tsutqʼiiq saʼ li xtenamit.