Oksi jw.org re xtawbʼal aanaʼlebʼ

Li Santil Hu nokooxtenqʼa re xqʼaxbʼal ruhebʼ li chʼaʼajkilal li naqakʼul (2Ti 3:1, 16, 17). Abʼan wank sut naʼajmank qaqʼusbʼal ut qanaʼlebʼ re junjunq ebʼ li chʼaʼajkilal. Ma nakaawaj aatenqʼ re xkʼiresinkil ebʼ laakokʼal? Ma ra saʼ laachʼool xbʼaan naq xkamk junaq laakomon? Wi toj saajat, ma yook chi yaleʼk rix laapaabʼal? Saʼ jw.org naqataw ebʼ li naʼlebʼ li elenaq chaq saʼ li Santil Hu rehebʼ li junjunq chi chʼaʼajkilal aʼin ut jalan chik (Pr 2:3-6).

Saʼ li qanaʼaj jw.org, sikʼ bʼarwiʼ naxye «Li naxkʼut li Santil Hu» ut sikʼ li nawulak chaawu (jalam u 1). Malaj sikʼ «Ebʼ li kʼanjelobʼaal», moqon «Xtusulal li jalan jalanq chi naʼlebʼ» ut sikʼ li nawulak chaawu (jalam u 2). Taataw ajwiʼ aʼin saʼ JW Library^®.a Us raj ajwiʼ naq taasikʼ li naʼlebʼ li wank aran. Jun chik li tatruuq xbʼaanunkil aʼan xsikʼbʼal jun li naʼlebʼ re roksinkil bʼarwiʼ naxye xsikʼbʼal saʼ jw.org.

Tzʼiibʼa ebʼ li naʼlebʼ aʼin saʼ li naʼaj bʼarwiʼ naxye xsikʼbʼal ut tzʼiibʼa li twulaq chaawu rilbʼal:

• Xtijbʼalebʼ li kokʼal

• Li saaj li rahebʼ saʼ xchʼool

• Naq nakamk junaq li naqara