Chanru roksinkil li hu Anihebʼ Yookebʼ Xbʼaanunkil li Rajom li Jehobʼa saʼebʼ li Qakutan?

Li hu Anihebʼ Yookebʼ Xbʼaanunkil li Rajom li Jehobʼa saʼebʼ li Qakutan? kʼubʼanbʼil re xtzʼilbʼal rix rikʼinebʼ li yookebʼ xtzolbʼal li Santil Hu, saʼ xtiklajik malaj saʼ raqik li tzolok.a Li naʼlebʼ 1 toj saʼ li 4 naxchʼolobʼ anihebʼ laj Testiiw re li Jehobʼa; li naʼlebʼ 5 toj saʼ li 14 naʼaatinak chirix li qakʼanjel, ut li naʼlebʼ 15 toj saʼ li 28 naxkʼut chanru nakʼanjelak li qamolam. Jwal us xtzʼilbʼal saʼ tustu ebʼ li naʼlebʼ, abʼan wi li qatzolom traj xtzolbʼal xbʼeenwa jun rehebʼ li naʼlebʼ, naru xtzʼilbʼal rix. Li junjunq chi naʼlebʼ nachalk saʼ jun perel joʼkan naq naruhank xtzʼilbʼal rix rikʼin li xkʼihalil ru ebʼ li qatzolom chiru oobʼ malaj 10 kʼasal.

• 

  Taayaabʼasi li patzʼom li nakʼanjelak joʼ xjolomil li naʼlebʼ.

• Teeril saʼ wiibʼal li naʼlebʼ chalen saʼ xtiklajik toj saʼ raqik malaj chi tasal.

• Seeraqʼimaq li xeeril saʼ li naʼlebʼ. Taawoksi ebʼ li patzʼom li wank saʼ raqik li junjunq chi naʼlebʼ ut texʼaatinaq ajwiʼ chirixebʼ li eetalil. Teeyaabʼasi ut teetzʼil rix ebʼ li raqal li Santil Hu li wank saʼ li hu wi naʼajmank. Taakʼut chiru naq ebʼ li raqal aatin li bʼonbʼil chi qʼeq naxsume li patzʼom li wank saʼ xjolomil li naʼlebʼ.

• Wi saʼ li naʼlebʼ wank li kaaxukuut «Sikʼ xkomon li naʼlebʼ», teeyaabʼasi ut taawaklesi xchʼool laatzolom re naq tixyuʼami.