«Chexyoʼleq bʼiʼ»

25:1-12

Usta li jaljookil aatin li kixye li Jesus chirix li 10 li ixqaʼal kixseeraqʼi choʼq rehebʼ li xtzolom li yulbʼilebʼ ru, chixjunilebʼ laj paabʼanel nekeʼxtaw rusilal li naʼlebʼ li kixkʼut chaq (w15-S 15/3 perel 12-16). «Chexyoʼleq bʼiʼ laaʼex, xbʼaan naq inkʼaʼ nekenaw joʼqʼe xkutankil chi moko li xhonalil xkʼulunik li Kʼajolbʼej» (Mt 25:13, [SBG]). Ma tatruuq raj xchʼolobʼankil li jaljookil aatin li kixye li Jesus?

• Li bʼeelomej malaj li ok re chi sumlaak (raqal 1): Li Jesus.

• Ebʼ li ixqaʼal li wankebʼ xnaʼlebʼ malaj li kawresinbʼilebʼ (raqal 2): Ebʼ laj paabʼanel li yulbʼilebʼ ut kawresinbʼilebʼ re xbʼaanunkil chiʼus li xkʼanjel ut nekeʼlemtzʼunk joʼ li saqenk toj saʼ rosoʼjik (Flp 2:15).

• Li xyaabʼ kuxej: «Weʼ chaq li bʼeelomej!» (raqal 6, [SBG]): Reetalil li xkʼulunik li Jesus.

• Ebʼ li ixqaʼal li maakʼaʼebʼ xnaʼlebʼ (raqal 8): Ebʼ laj paabʼanel li yulbʼilebʼ li nekeʼelk chi xkʼulbʼal li ok re chi sumlaak, abʼan inkʼaʼ ajʼookebʼ ru ut nekeʼxtzʼeqtaana li Yos.

• Ebʼ li ixqaʼal li wankebʼ xnaʼlebʼ inkʼaʼ nekeʼxwotz li xʼaseeyt (raqal 9): Naq ak xeʼxkʼul chik li eetalil, maakʼaʼaq chik li hoonal re naq li yulbʼilebʼ teʼxtenqʼa ebʼ li xeʼxtzʼeqtaana li Yos.

• «Kolʼelq li bʼeelomej» (raqal 10, [SBG]): Li Jesus nawulak chi raqok aatin saʼ raqik li nimla rahilal.

• Ebʼ li ixqaʼal li wankebʼ xnaʼlebʼ keʼok saʼ li ninqʼe chirix li sumlaak rikʼin li ok re chi sumlaak ut kitzʼapmank li okebʼaal (raqal 10): Li Jesus naxchʼutubʼ saʼ choxa li yulbʼilebʼ ru, abʼan li keʼxqʼet ribʼ nekeʼxtzʼeq li xqʼajkamunkil re xik saʼ choxa.