Li Paswa maawaʼ reetalil xnimankil li xkamik li Jesus, abʼan naabʼal tooruuq xtzolbʼal chirix wiibʼ oxibʼ li naʼlebʼ li kibʼaanumank saʼ li ninqʼe aʼin. Jun eetalil, li Apostol Pablo kixjuntaqʼeeta chaq li Jesus rikʼin jun li karneer naq kixtzʼiibʼa: «Li Kriist, aʼ li qakarneer re li Paswa, kimayejaak» (1Co 5:7, SBG). Li xkikʼel li karneer li kikʼemank chire ebʼ li okebʼaal kikolok yuʼam, ut li xkikʼel li Jesus nakolok ajwiʼ yuʼam (Ex 12:12, 13). Joʼkan ajwiʼ, maajun xbʼaqel li xkarneer li Paswa ttoqmanq raj, ut li Jesus maajun ajwiʼ xbʼaqel xeʼxtoq, usta kʼaynaqebʼ xbʼaanunkil aʼin naq nekeʼkamsink chaq (Ex 12:46; Jn 19:31-33, 36).