Miqakanabʼ xkʼambʼal qe rikʼin li Kriist

Chiqajunilo tento tqakʼam qe rikʼin li Jesus, ut jwal aajel wiʼ chik ru naq yooqo xnumsinkil junaq li aaleek malaj li rahobʼtesink (1Pe 2:21-23). Li Jesus maajunwa kisumenk naq kihobʼeʼk, chi moko naq kiwank saʼ rahilal (Mr 15:29-32). Kʼaru kitenqʼank re chi xkuybʼal aʼin? Chʼolchʼo chiru naq tixbʼaanu li rajom li Jehobʼa (Jn 6:38). Joʼkan ajwiʼ, kixkʼe saʼ xchʼool naq «chirix li rahilal toxtaw nimla sahilal» (Heb 12:2, Li Santil Hu, Sociedad Bíblica de Guatemala, [SBG]).

Kʼaru naqabʼaanu naq xikʼ nokooʼeʼril saʼ xkʼabʼaʼ li naqapaabʼ chirix li Yos? Laaʼo joʼ tzʼaqal aj paabʼanel inkʼaʼ naqakʼe reqaj «li raaxiikʼ rikʼin raaxiikʼ» (Ro 12:14, 17, SBG). Naq naqakʼam qe rikʼin li Jesus joʼ chanru kixkuy li rahilal, sa saʼ qachʼool xbʼaan naq li Yos nokooxkʼulubʼa (Mt 5:10-12; 1Pe 4:12-14).

NAQ AK XAAWIL LI BʼIDEO LI XKʼABʼAʼ LI JEHOBʼA JWAL NIM XWANKIL CHIRU YALAQ KʼARU, TAASUME EBʼ LI PATZʼOM AʼIN:

• Kʼaru kixbʼaanu li hermaan Poetzinger re roksinkil chiʼus li xhoonal naq kiwank xjunes saʼ jun rehebʼ li naʼaj re li tzʼalam?

• Kʼaru li chʼaʼajkilal keʼxkuy xnumsinkil ebʼ li qech aj paabʼanel Poetzinger saʼebʼ li naʼajej bʼarwiʼ keʼwank?

• Kʼaru kitenqʼank rehebʼ chi xkuybʼal?