Maakʼaʼ kitzʼeqmank

Naq ak kixbʼaanu jun li sachbʼachʼoolej re xkʼebʼal chi waʼak oobʼ mil tana chi winq, joʼ ajwiʼ ebʼ li ixq ut li kokʼal, li Jesus kixye rehebʼ li xtzolom: «Xokomaq li relaʼ li wa, re naq maakʼaʼ taatzʼeqmanq» (Jn 6:12, SBG). Li Jesus kixkʼutbʼesi naq oxloqʼ chiru li naxkʼe li Jehobʼa xbʼaan naq maakʼaʼ kixtzʼeq.

Saʼebʼ li qakutan Li Nekeʼjolomink re Xmolam li Jehobʼa nekeʼxkʼam re rikʼin li Jesus naq nekeʼroksi chiʼus li tumin li nakʼemank re li Yos. Jun li eetalil, re xkabʼlankil li nimla molam re Warwick (Nueva York), keʼxsikʼ chiʼus chanru teʼxkabʼla ebʼ li ochoch re naq teʼruuq roksinkil chiʼus li tumin li nekeʼxkʼe ebʼ li hermaan.

CHANRU TOORUUQ ROKSINKIL CHIʼUS LI TENQʼ SAʼEBʼ LI NAʼLEBʼ AʼIN?

• 

  Naq wanko saʼebʼ li chʼutam.

• 

  Naq naqapatzʼ ebʼ li hu li tqoksi chiqajunqal (km–S 5/09 perel 3 raqal 4).

• 

  Naq naqakʼam ebʼ li hu li tqoksi saʼ li puktesink (mwb17.02 «Qoksihaq chiʼus ebʼ li tasal hu» raqal 1).

• 

  Naq yooko chi puktesink (mwb17.02 «Qoksihaq chiʼus ebʼ li tasal hu» raqal 2 ut li kaaxukuut).