Kʼe aachʼool chi xkʼulbʼal li tzolbʼal li naxkʼe li Jehobʼa

KʼAʼUT US XBʼAANUNKIL. Li Jehobʼa, li Xnimal ru aj Tzolol qe, jwal chaabʼil li qatzolbʼal naxkʼe. Naxkʼut chiqu chanru t-usaq li qayuʼam ut nokooxtzol re naq tqataw ebʼ li osobʼtesihom li naxyeechiʼi qe, ut chixjunil aʼin yal chi maatan (Isa 11:6-9; 30:20, 21; Ap 22:17). Joʼkan ajwiʼ, nokooxtzol re naq tqaye rehebʼ li poyanam jun li esil li naru tixkolebʼ (2Co 3:5).

CHANRU XBʼAANUNKIL

• Tzol xyuʼaminkil li kubʼsink ibʼ ut li tuulanil (Sl 25:8, 9).

• Kʼulubʼa li tzolbʼal li wank chaawu, joʼ li kʼanjel li nakʼemank saʼ li chʼutam saʼ xyanqil xamaan.

• Sikʼ chanru xnimtresinkil laakʼanjel chiru li Yos (Flp 3:13).

• Jal ru laayuʼam re naq tatruuq xkʼulbʼal xkomon laatzolbʼal rikʼin li Yos (Flp 3:8).

NAQ AK XAAWIL LI BʼIDEO LI QATZOLBʼAL LI NAXKʼE LI JEHOBʼA NAXKAWRESI QAPAABʼAL, TAASUME EBʼ LI PATZʼOM AʼIN:

• Kʼaru li chʼaʼajkilal keʼruuk xnumsinkil wiibʼ oxibʼ laj puktesinel re naq teʼruuq chi wank saʼ Li tzolok choʼq rehebʼ li nekeʼkʼamok bʼe chi xpuktesinkil li Xʼawabʼejilal li Yos?

• Kʼaru nekeʼxkʼut saʼ Li tzolok choʼq rehebʼ li nekeʼkʼamok bʼe chi xpuktesinkil li Xʼawabʼejilal li Yos?

• Chanru keʼxbʼaanu li hermaan re xtenqʼankilebʼ li keʼxkʼul li tzolok aʼin re naq teʼkʼayq saʼ li naʼajej?

• Kʼaru li naʼlebʼ naʼajmank re naq teʼruuq chi xik saʼ Li tzolok choʼq rehebʼ li nekeʼkʼamok bʼe chi xpuktesinkil li Xʼawabʼejilal li Yos? (kr-S 189).

• Kʼaru chik li tzolok li naxkʼe li Yos tatruuq raj xkʼebʼal aachʼool chi xkʼulbʼal?