QAYUʼAM JOʼ AJ PAABʼANEL
Ma taawaj tzʼaqonq saʼ Li tzolok choʼq rehebʼ li nekeʼkʼamok bʼe chi xpuktesinkil li Xʼawabʼejilal li Yos?
Ma wank 23 toj 65 chihabʼ aawe ut nakaakʼe chixjunil laahoonal re li Yos? Ma kaw laajunxaqalil ut taawaj tenqʼank bʼarwiʼ naʼajmank? Wi joʼkan, ma ak xaakʼoxla xnujtesinkil li hu re Li tzolok choʼq rehebʼ li nekeʼkʼamok bʼe chi xpuktesinkil li Xʼawabʼejilal li Yos? Chalen naq xtiklaak, naabʼal li sumsukebʼ ut li hermaan ixq ut winq li wankebʼ xjunes ak xeʼtzʼaqonk chisaʼ. Abʼan, toj naʼajmank ebʼ li hermaan winq li moko sumsukebʼ ta. Tzʼaama re li Jehobʼa naq t-aalaq saʼ laachʼool xbʼaanunkil xkomon chik li xkʼanjel ut xkʼambʼal aawe rikʼin li Jesús (Sl 40:9; Mt 20:28; Heb 10:7). Kʼoxla rix chanru xkʼosbʼal laakʼanjel ut li nawulak chaawu re naq tatruuq chi tzʼaqonk.
Kʼaru xeʼxbʼaanu ebʼ li hermaan li xeʼtzʼaqonk saʼ li tzolebʼaal aʼin? Xeʼtaqlaak chi tenqʼank saʼ jalan chik li aatinobʼaal malaj chi puktesink bʼarwiʼ nekeʼnumeʼk naabʼal li qas qiitzʼin. Wankebʼ xeʼkʼanjelak joʼ li naʼulaʼanink chʼuut, ruuchil li naʼulaʼanink chʼuut, malaj xeʼtaqlaak chi puktesink saʼ jalan chik tenamit. Naq yooqat xkʼoxlankil li tatruuq xbʼaanunkil saʼ li xkʼanjel li Jehobʼa, naru taakʼam aawe rikʼin li propeet Isaías: «Waayeʼin arin, [...]. Taqlahin laaʼin» (Is 6:8, SBG).
NAQ AK XAAWIL LI BʼIDEO LI NEKEʼTAQLAAK SAʼ LI XKʼANJEL LI YOS: NEKEʼTZʼAQONK SAʼ LI QʼOLOK, TAASUME EBʼ LI PATZʼOM AʼIN:
Chanru nekeʼsikʼeʼk li hermaan li nekeʼtaqlaak chi puktesink saʼ jalan chik tenamit?
Kʼaru li chaabʼil kʼanjel nekeʼxbʼaanu ebʼ li hermaan aʼin?
Kʼaru ebʼ li osobʼtesihom nekeʼxkʼul li nekeʼpuktesink saʼ jalan chik tenamit?