Li Jehobʼa naxra li saqebʼ ru

Naabʼal li naʼbʼej yuwaʼbʼej nekeʼxkʼut chiruhebʼ li xkokʼal xchʼajbʼal li ruqʼebʼ, xmesbʼal li xwaribʼaal, xmesunkil li ochoch ut risinkil li mul xbʼaan naq nekeʼraj naq saqaqebʼ ru. Abʼanan, li jwal wank xwankil aʼan naq li Jehobʼa nayehok qe naq saqaq qu xbʼaan naq Saant (Ex 30:18-20; Dt 23:14; 2Co 7:1). Naqakʼe xloqʼal li Jehobʼa wi kokʼaj xsaʼ nokoochʼajok ut saq ru li kʼaʼaq re ru li naqoksi (1Pe 1:14-16). Ma saabʼesinbʼil li qochoch ut li xsutam? Wankebʼ nekeʼxkut li mul saʼ li bʼe ut saʼ li parke, abʼan laaʼo joʼ aj paabʼanel, naqakʼe qaqʼe re naq saqaq ru li Ruuchichʼochʼ (Sl 115:16; Ap 11:18). Joʼkan ajwiʼ, aʼ yal bʼar naqakut li rix li kabʼ malaj li haʼ ut li toqʼ tixkʼutbʼesi chanru naqil li saabʼesink. Naqaj xkʼutbʼesinkil rikʼin «chixjunil li naqabʼaanu [...] naq laaʼo aj kʼanjelo chiru li Yos» (2Co 6:3, 4, SBG).

NAQ AK XAAWIL LI BʼIDEO, LI YOS NAXRA LI SAQEBʼ RU, TAASUME EBʼ LI PATZʼOM AʼIN:

• Kʼaru nekeʼxye junjunq li poyanam naq inkʼaʼ nekeʼraj xsaabʼesinkil li kʼaru rehebʼ?

• Chanru nokooxtenqʼa li Xchaqʼrabʼ laj Moises chi xnawbʼal kʼaru naxkʼoxla li Jehobʼa chirix li saabʼesink?

• Chanru tooruuq xkʼebʼal xloqʼal li Jehobʼa chi maakʼaʼ tqaye?