Ma jwal oxloqʼ chiqu li Raatin li Yos?

Saʼ li Santil Hu natawmank li xkʼaʼuxl ut li xyeehom li Jehobʼa, li kikʼehok chaq re li loqʼlaj hu aʼin (2Pe 1:20, 21). Naq naxkʼut naq li Xʼawabʼejilal li Yos tixbʼaanu naq kaʼajwiʼ li Jehobʼa wank xkʼulubʼ chi awabʼejink, li Santil Hu naxye qe naq chi seebʼ t-usaaq chixjunil. Naxkʼut ajwiʼ chiqu naq li Jehobʼa, li Qayuwaʼ li wank saʼ choxa, jwal nokooxra (Sl 86:15).

Wank jalan jalanq xyaalalil kʼaʼut oxloqʼ chiqu li Raatin li Yos. Abʼan, ma naqakʼutbʼesi aʼin wulaj wulaj rikʼin rilbʼal xsaʼ ut xyuʼaminkil li naʼlebʼ li naxkʼe? Tento tqakʼutbʼesi rikʼin li qabʼaanuhom naq naqekʼa ajwiʼ li kixye jun rehebʼ li kitzʼiibʼank re li Salmo: «Kʼajoʼ naq ninra laachaqʼrabʼ!» (Sl 119:97, SBG).

NAQ AK XAAWIL LI BʼIDEO OXLOQʼ CHAQ CHIRUHEBʼ LI SANTIL HU: XTASALIL (WILLIAM TYNDALE), TAASUME EBʼ LI PATZʼOM AʼIN:

• 

  Kʼaʼut naq laj William Tyndale kixnumsi li xtasalil li Santil Hu saʼ jalan chik aatinobʼaal?

• Kʼaʼut jwal wank xwankil naq kixkʼe xchʼool chi xnumsinkil li Santil Hu saʼ jalan chik aatinobʼaal?

• Chanru keʼroksi saʼ Inglaterra junjunq rehebʼ li Santil Hu li kixnumsi laj Tyndale saʼ jalan chik aatinobʼaal?

• Chanru tooruuq xkʼutbʼesinkil naq oxloqʼ chiqu li Raatin li Yos?