Kʼaru naqatzol chirixebʼ li bʼich?

Bʼar wank rehebʼ li bʼich nawulak chaawu re JW Broadcasting^®? Kʼaʼut? Ma nakaakʼoxla naq ebʼ li bʼich nekeʼxkʼut li naqakʼul saʼ li qayuʼam? Ebʼ li bʼich nekeʼaatinak chirix jalan jalanq li naʼlebʼ ut yalaq chanru li xyaabʼ, joʼkan naq tooruuq xtawbʼal li twulaq chiqu. Abʼan, ebʼ li bʼich ut li bʼideo chirix aʼin moko kaʼaj tawiʼ nakʼanjelak re naq tqajsi qu.

Saʼebʼ li bʼich wank li naʼlebʼ li nokooxtenqʼa saʼ li qayuʼam ut saʼ li qakʼanjel chiru li Yos. Wankebʼ nekeʼaatinak chirix chanru tookʼehoq, toowanq saʼ junajil, chirixebʼ li qamiiw, li xkawilal qachʼool, chirix li rahok ut li qapaabʼal chirix li Yos. Wankebʼ chik nekeʼxye naq toosutqʼiiq rikʼin li Jehobʼa, tookuyuq maak, junelik tqabʼaanu li naraj li Yos ut tqasikʼ kʼaru chik li kʼanjel tqabʼaanu chiru. Ut wank ajwiʼ jun li bʼich li nokooxtenqʼa re naq tqanaw joqʼe tqoksi li selular. Kʼaru chik li naʼlebʼ xqataw saʼebʼ li bʼich?

NAQ AK XAAWIL LI BʼIDEO CHIRIX XYAABʼ LI BʼICH NACHʼ WANK CHAQ!, TAASUME EBʼ LI PATZʼOM AʼIN:

• Kʼaru li yeechiʼom nekeʼxkʼoxla rix ebʼ li chʼina tiix? (Ge 12:3).

• Kʼaru tooruuq xbʼaanunkil re naq kʼojkʼooq qachʼool naq ttzʼaqloq ru li xyeechiʼom li Jehobʼa?

• Ani tqilebʼ ru chi seebʼ?

• Chanru nokooxtenqʼa li xyeechiʼom li Xʼawabʼejilal li Yos re naq tqakuy li rahilal li yooko xkʼulbʼal? (Ro 8:25).