Chanru tqoksi «Ebʼ li eetalil re aatinak»

Chalen chaq li po enero 2018 natawmank «Ebʼ li eetalil re aatinak» saʼ Xhuhil li qachʼutam Qayuʼam ut Qakʼanjel joʼ aj Paabʼanel. Chanru tqoksi?

Naq nokootzʼaqonk chi xbʼaanunkil li kʼanjel. Tento tqoksi li patzʼom, li xraqal li Santil Hu ut li patzʼom li twanq xsumenkil. Abʼanan moko aajel ta ru xyeebʼal chixjunil li naqabʼi saʼebʼ li bʼideo re aatinak. Laaʼo naru tqasikʼ chanru tqakʼutbʼesi li eetalil, li aatin li tqoksi saʼ xtiklajik malaj chanru toonaʼlebʼaq rikʼin li poyanam. Naru naqoksi ajwiʼ junaq li hu li wank saʼ li kʼanjelobʼaal re kʼutuk usta inkʼaʼ xyeemank qe.

Naq nokoopuktesink. Li tasal aʼin nakʼanjelak re naq tqatzol chanru toopuktesinq. Wi junaq li poyanam naxkʼutbʼesi naq naraj xnawbʼal xkomon chik, naru naqoksi li naʼlebʼ re rulaʼaninkil wiʼ chik. Naru ajwiʼ naqoksi junaq chik li naʼlebʼ li naxchap ribʼ rikʼin aʼin malaj tqoksi jalan chik li eetalil. Ma tkʼanjelaq tawiʼ saʼ li qateep junaq chik li eetalil malaj li raqal li kiʼelk saʼ jalan chik po? Ma wank junaq li esil malaj kʼaru xkʼulmank saʼ li qateep? Naru tqoksi li eetalil re aatinak joʼ chanru tkʼanjelaq chiqu, abʼan misach saʼ qachʼool naq li kʼaru tzʼaqal naqaj aʼan xwotzbʼal li chaabʼil esil rehebʼ li junchʼol (1Co 9:22, 23).