Chanru tqoksi ebʼ li eetalil re aatinak

Ebʼ li eetalil re aatinak kʼoxlanbʼil rix chiʼus ut nakʼanjelak chiru naabʼal aj puktesinel. Abʼanan jalan jalanq li nakʼulmank saʼebʼ li teep. Joʼkan naq, naq nekeʼelk chi puktesink, naru teʼaatinaq chirix jalan chik li naʼlebʼ li yook chi kʼulmank saʼ li hoonal aʼan. Abʼan chiqajunilo tento tqoksi li naʼlebʼ li xkʼemank naq nokootzʼaqonk saʼ junaq li nimla kʼanjel. Li naqaj aʼan xbʼaanunkil li xooxtaqla wiʼ li Jesús: xpuktesinkil li chaabʼil esilal chirix li Xnimajwal Awabʼejilal li Yos (Mt 24:14).

Naq junaq laj puktesinel tixbʼaanu junaq li kʼanjel saʼ li chʼutam saʼ xyanqil xamaan tento troksi li naʼlebʼ re li eetalil re aatinak li wank saʼ Xhuhil li qachʼutam. Abʼan wi tyeemanq, laj puktesinel naru tixjal li patzʼom, li raqal, li twanq xsumenkil malaj chanru tbʼaanumanq re naq teʼxkʼulubʼa saʼ li teep. Akʼ li naʼlebʼ aʼin chiru li kikʼemank saʼ li Xhuhil li qachʼutam chiru li po junio 2020, perel 8.