Li nimla kʼanjel chirix li Xʼawabʼejilal li Yos chiru li po noviembre

Li Jesús kiʼaatinak chirix «li xChaabʼil Esil li xnimajwal awabʼejihom li Yos» ut kixkʼut chiruhebʼ li poyanam naq teʼxtzʼaama saʼebʼ li xtij li Awabʼejilal aʼin (Lu 4:43, SBG; Mt 6:9, 10). Saʼ li po noviembre tqakʼe qachʼool chi xkʼebʼal chi naweʼk li Xʼawabʼejilal li Yos (Mt 24:14). Ma naru tqakʼubʼ li qahoonal re naq tootzʼaqonq saʼ li kʼanjel aʼin? Chiru li po aʼin naru tqabʼaanu 30 malaj 50 hoonal.

Saʼ li nimla kʼanjel aʼin, kʼut junaq xraqal li Santil Hu chirix li Xʼawabʼejilal li Yos joʼ tixkʼe ribʼ chaawu. Wanq saʼ laachʼool li nekeʼxpaabʼ saʼ laateep naq taasikʼ li raqal. Wi junaq nawulak chiru li esil, taakʼe re li hu Laj Kʼaakʼalehom ajl 2, 2020 (li kʼubʼanbʼil re xyeechiʼinkil). Matbʼayk chi rulaʼaninkil li poyanam ut tikibʼ xtzolbʼal rikʼin junaq li hu re li kʼanjelobʼaal re kʼutuk. Chi seebʼ, li Xʼawabʼejilal li Yos tixsachebʼ ru li xʼawabʼejilal li winq (Da 2:44; 1Co 15:24, 25). Joʼkan bʼiʼ, qakʼehaq qachʼool chi tzʼaqonk saʼ li kʼanjel aʼin re xkʼutbʼal li xtiikilal qachʼool chiru li Jehobʼa ut chirix li Xʼawabʼejilal.