Seeraqʼi re chixjunilebʼ naq chi seebʼ toowanq saʼ jun chʼinaʼusil ruuchichʼochʼ!

Saʼ li po noviembre, tqakʼe qachʼool chi xyeebʼal re chixjunilebʼ li kristiʼaan naq chi seebʼ toowanq saʼ jun li chaabʼil naʼajej arin saʼ Ruuchichʼochʼ (Sl 37:10, 11; Ap 21:3-5). Ma tooruuq xkʼubʼankil li qahoonal re naq tootzʼaqonq saʼ li nimla kʼanjel aʼin? Li teʼwanq joʼ aj kʼamolbʼe saʼ li puktesink saʼ li po aʼin naru teʼxbʼaanu 30 malaj 50 hoor.

Chiru li po aʼan, yaabʼasi jun xraqal li Santil Hu chiru yalaq ani li poyanam li nakaataw li naʼaatinak chirix li akʼ ruuchichʼochʼ. Naq taasikʼ li raqal, wank saʼ laachʼool chirix kʼaru nekeʼok xkʼaʼuxl ebʼ li kristiʼaan saʼ laateep. Wi ani naxkʼe xchʼool chi abʼink naq nakaawaatina xbʼeen sut, taaqʼaxtesi re li hu Laj Kʼaakʼalehom ajl 2, 2021 (li kʼubʼanbʼil re xyeechiʼinkil). Matbʼayk raatinankil wiʼ chik ut tikibʼ xtzolbʼal li poyanam rikʼin li folleto Sahaq laachʼool! Naxkʼe xsahil qachʼool naq laatzʼ qu chi xkʼambʼal li «chaabʼil esilal»! (Is 52:7, SBG).

NAQ AK XAAWIL LI BʼIDEO CHIRIX XYAABʼ LI BʼICH SAʼ LI AKʼ RUUCHICHʼOCHʼ, TAASUME EBʼ LI PATZʼOM AʼIN:

• Kʼaru li chʼinaʼusil yuʼam yook xkʼoxlankil li chʼina ixqaʼal aʼin?

• Kʼaru taawaj naq tkʼulmanq chi anchal aachʼool saʼ li akʼ ruuchichʼochʼ?

• Kʼaʼut xkʼoxlankil li akʼ ruuchichʼochʼ tatxtenqʼa chi xkʼebʼal aachʼool saʼ li nimla kʼanjel li t-uxmanq saʼ li po noviembre? (Lu 6:45).