Naqakʼutbʼesi li rahok naq naqakʼulubʼa li qʼusuk li naxkʼe li Jehobʼa

Naq naʼisiik junaq saʼ li chʼuut, nakʼanjelak re xkolbʼal li chʼuut joʼ ajwiʼ re xqʼusbʼal li inkʼaʼ naraj xjalbʼal xnaʼlebʼ (1Co 5:6, 11). Naq naqakʼulubʼa li qʼusuk li naxkʼe li Jehobʼa, naqakʼutbʼesi naq nokoorahok. Abʼan, chanru aʼin, wi naxkʼam chaq rahil chʼoolejil choʼq re li xjunkabʼal ut ebʼ li nekeʼraqok aatin?

Xbʼeenwa, naqakʼut naq naqoxloqʼi ut naqara li Jehobʼa ut li chaabʼil naʼlebʼ li naxkʼe qe (1Pe 1:14-16). Ut naqakʼutbʼesi ajwiʼ naq naqara li xʼisiik saʼ li chʼuut. Usta yaal naq ra aʼin, abʼan naru «naruuchin moqon, [...] li tuqtuukilal ut tiikilal» (Heb 12:5, 6, 11, Li Santil Hu, Sociedad Bíblica de Guatemala, [SBG]). Wi inkʼaʼ raj naqakanabʼ xjunajinkil qibʼ rikʼin li xʼisiik saʼ li chʼuut malaj li inkʼaʼ chik naraj wank joʼ aj Testiiw, moko yooko ta xkanabʼankil naq li Jehobʼa tixqʼus. Qajultikaq li naxye li Jehobʼa: «Laaʼin tinqʼusuq eere, abʼanan tinbʼaanu saʼ tiikilal» (Jer 30:11, Li Santil Hu, Wycliffe Bible Translators, [Wy]). Qapaabʼaq li naxye li Jehobʼa ut miqakanabʼ kʼanjelak chiru naq yooqo roybʼeninkil naq li poyanam aʼin tsutqʼiiq wiʼ chik saʼ ruqʼ li Qayuwaʼ, li naʼuxtaanank u (Is 1:16-18; 55:7).

NAQ AK XAAWIL LI BʼIDEO TIIKAQ QACHʼOOL CHIRU LI JEHOBʼA, TAASUME EBʼ LI PATZʼOM AʼIN:

• 

  Chanru narekʼa ribʼ junaq naʼbʼej yuwaʼbʼej naq li ralal naxkanabʼ li Jehobʼa?

• 

  Chanru truuq li chʼuut xtenqʼankil li xjunkabʼal li xʼisiik saʼ li chʼuut?

• 

  Kʼaru li eetalil re li Santil Hu naxkʼut naq jwal wank xwankil naq tiikaq qachʼool chiru li Jehobʼa chiru li qajunkabʼal?

• 

  Chanru naqakʼutbʼesi naq jwal naqara li Jehobʼa chiru li qajunkabʼal?