Li Jehobʼa nokooxqʼus xbʼaan naq nokooxra

Naq nokooʼeʼxqʼus, nokooʼeʼxtzol ut nekeʼxkʼe qanaʼlebʼ joʼ ajwiʼ nokooʼeʼxtij malaj nokooʼeʼxchʼila. Li Jehobʼa nokooxqʼus re naq tqaloqʼoni joʼ naraj aʼan (Ro 12:1; Heb 12:10, 11). Wank sut inkʼaʼ sa naqekʼa, abʼan naq naqakʼulubʼa, toowanq chiʼus chiru li Yos ut toorosobʼtesi (Pr 10:7). Kʼaru tento wank saʼ qachʼool naq nokooʼeʼxqʼus joʼ ajwiʼ li ani naqʼusuk qe?

Li nekeʼkʼehok re. Ebʼ li cheekel winq, li naʼbʼej yuwaʼbʼej ut jalanebʼ chik tento teʼxkʼe xchʼool chi qʼusuk rikʼin rahok joʼ naxbʼaanu li Jehobʼa (Jer 46:28). Usta kaw tooʼeʼxqʼus tento teʼxbʼaanu joʼ naʼajmank chiqu ut rikʼin rahok (Tit 1:13).

Li nekeʼkʼuluk re. Maakʼaʼ naxye chanru tooʼeʼxqʼus, tento tqakʼulubʼa ut tqayuʼami saʼ junpaat (Pr 3:11, 12). Naʼajmank naq tooʼeʼxqʼus xbʼaan naq laaʼo aj maak. Naru naqakʼul aʼin naq naqil xsaʼ li Santil Hu malaj rikʼin li naqabʼi saʼebʼ li chʼutam. Wank sut aajel ru naq tooʼeʼxqʼus ebʼ li cheekel winq li nekeʼraqok aatin. Wi naqakʼulubʼa ut naqajal qanaʼlebʼ, tqataw li junelik yuʼam (Pr 10:17).

NAQ AK XAAWIL LI BʼIDEO LI JEHOBʼA NAXTIJ LI NAXRA, TAASUME EBʼ LI PATZʼOM AʼIN:

• 

  Chanru kikʼiik chaq laj Canon, ut kʼaru kixkʼul?

• 

  Chanru kiqʼuseʼk xbʼaan li Jehobʼa?

• 

  Kʼaru naqatzol rikʼin li kixkʼul laj Canon?