Miqakanabʼ naq li haʼ li nakaltesink ttaqlanq saʼ qabʼeen

Chiqajunilo tento tqakʼe reetal jarubʼ li haʼ li nakaltesink tqukʼ (Pr 23:20, 29-35; 1Co 6:9, 10). Wi junaq traj ukʼaʼk tento tixbʼaanu saʼ xyaalalil ut inkʼaʼ tixkanabʼ naq aʼin ttaqlanq saʼ xbʼeen. Chi moko tixkʼe ta chi tichkʼok jalan chik (1Co 10:23, 24; 1Ti 5:23). Inkʼaʼ naqaj xminbʼal ru junaq li poyanam re naq trukʼ li haʼ li nakaltesink ut inkʼaʼ wiʼ chik tqabʼaanu aʼin rikʼinebʼ li saaj.

NAQ AK XAAWIL LI BʼIDEO KʼOXLA LI TAAKʼUL WI TAT-UKʼAQ, TAASUME EBʼ LI PATZʼOM AʼIN:

• Kʼaʼut tento tqapaabʼ li naxye li xchaqʼrabʼ li winq chirix li haʼ li nakaltesink? (Ro 13:1-4).

• Kʼaʼut inkʼaʼ tqakanabʼ naq teʼxmin qu re naq tooʼukʼaq? (Ro 6:16).

• Chanru tooruuq xkolbʼal qibʼ chiru li chʼaʼajkilal li naxkʼam chaq li haʼ li nakaltesink?