Miqakanabʼ xkʼaytesinkil li qakʼaʼuxl

Joʼ jun li winq li naxkawresi li xjunxaqalil re bʼatzʼunk, laaʼo ajwiʼ tento tqayal qaqʼe re xkawresinkil li qakʼaʼuxl malaj re xnawbʼal kʼaru tqabʼaanu saʼ li qayuʼam (Heb 5:14). Usta yaal naq moko chʼaʼaj ta xkʼambʼal qe rikʼin li nekeʼxbʼaanu ebʼ li junchʼol, abʼan laaʼo tento tqatzol kʼoxlak chiʼus ut xsikʼbʼal kʼaru tqabʼaanu saʼ li qayuʼam. Kʼaʼut? Xbʼaan naq li junjunq tixqʼaxtesi li xbʼaanuhom chiru li Yos (Ro 14:12).

Usta ak naabʼal chihabʼ qokik saʼ li yaal, abʼan moko us ta naq tqakʼoxla naq junelik us t-elq chiqu li tqabʼaanu. Re naq us tooʼelq saʼ li qayuʼam, aajel ru naq junelik tqakʼojobʼ qachʼool rikʼin li Jehobʼa, li Raatin ut li xmolam (Jos 1:7, 8; Pr 3:5, 6; Mt 24:45).

NAQ AK XAAWIL LI BʼIDEO «CHAABʼILAQ LEEKʼAʼUXL», TAASUME EBʼ LI PATZʼOM AʼIN:

• 

  Kʼaru tento raj tixbʼaanu li xʼEmma?

• 

  Kʼaʼut inkʼaʼ tqaye re junaq li poyanam kʼaru tixbʼaanu saʼ li xyuʼam?

• 

  Kʼaru li naʼlebʼ kixkʼe jun li sumal re li xʼEmma?

• 

  Bʼar kixtaw li xʼEmma li naʼlebʼ li tkʼanjelaq chiru?