Chooʼaatinaq chirix li naʼlebʼ li yook chi kʼulmank

Naq li Jesús kixbʼaanu li xkʼanjel li Yos, kiroksi li yook chaq chi kʼulmank saʼ li xsutam re xkʼutbʼal junaq li naʼlebʼ li wank xwankil (Lu 13:1-5). Naru ajwiʼ taawoksi li naʼlebʼ li yook chi kʼulmank re naq teʼraj rabʼinkil li chaabʼil esilal. Naq ak xat-aatinak chirix chanru kiterqʼuuk xtzʼaq chixjunil, li kaqsut-iqʼ, li bʼan li nakanobʼresink u, li mululij ibʼ malaj jalan chik li naʼlebʼ, bʼaanu junaq li patzʼom li tixkʼe chi kʼoxlak. Naru taapatzʼ re: «Ma nakaakʼoxla naq saʼ jun kutan traqeʼq...?» malaj «Chanru xtuqubʼankil ru…?». Moqon taakʼut chiru junaq xraqal li Santil Hu li naxchap ribʼ rikʼin aʼin. Wi nawulak chiru, kʼut junaq li bʼideo malaj junaq li hu li wank saʼ li kʼanjelobʼaal re kʼutuk. Qayalaq qaqʼe re wulak saʼ xchʼoolebʼ li qas qiitzʼin ut qabʼaanuhaq «chixjunil […] saʼ xkʼabʼaʼ li Chaabʼil Esilal» (1Co 9:22, 23, SBG).

Kʼaru raj li naʼlebʼ twulaq chiruhebʼ saʼ laateep?