Naq tmajeloʼq laatumin kʼojobʼ aachʼool

Chʼaʼaj li qawanjik saʼebʼ li rosoʼjikebʼ li kutan. Xbʼaan naq wank naabʼal li chʼaʼajkilal. Ut naq yooq chi nachʼok li rosoʼjik tnumtaaq chixjunil aʼin. Maare wank sut moko tzʼaqalaq ta li kʼaru qe re xnumsinkil li kutan (Hab 3:16-18). Kʼaru tooxtenqʼa re xnumsinkil li chʼaʼajkilal chirix li tumin? Tento naq chʼolchʼooq chiqu naq li Jehobʼa tooxtenqʼa. Aʼan naxye naq tixtenqʼa ebʼ li ramiiw ut naru naxkʼe li naʼajmank chiqu saʼ yalaq kʼaru chi hoonal (Sl 37:18, 19; Heb 13:5, 6).

Kʼaru tatruuq xbʼaanunkil?

• Tzʼaama re li Jehobʼa naq tatxtenqʼa ut tixkʼe aanaʼlebʼ (Sl 62:9).

• Kʼulubʼa li kʼanjel li maare maajunwa aabʼaanuhom (g-S 1/10 8, 9, ebʼ li kaaxukuut).

• Maakanabʼ xbʼaanunkil li wank xwankil joʼ xyaabʼasinkil li Santil Hu, xik saʼebʼ li chʼutam ut saʼ puktesink.

NAQ AK XAAWIL LI BʼIDEO QAYIIBʼAQ JUN LI OCHOCH LI TIXKUY. SAHAQ QACHʼOOL RIKʼIN LI KʼARU QE, TAASUME EBʼ LI PATZʼOM AʼIN:

• Kʼaru li chʼaʼajkilal xeʼxnumsi li junkabʼal aʼin?

• Kʼaru qʼaxal wank xwankil saʼ li qayuʼam?

• Chanru tooruuq xtenqʼankilebʼ li raasa nekeʼxnumsi li kutan?