Roybʼeninkil naq teʼwakliiq wiʼ chik chi yoʼyo

Naq nakamk junaq li qamiiw malaj qakomon xnawbʼal naq teʼwakliiq wiʼ chik chi yoʼyo nokooxtenqʼa. Usta joʼkan li maak ut li kamk chanchan jun nimla iiq li nokooxchʼaʼajki chiqajunilo (Is 25:7, 8). Joʼkan naq «chixjunil li wank junsut junrubʼel choxa naʼayaynak chaq ut wank saʼ rahilal» (Ro 8:22, SBG). Chanru tooruuq xkuybʼal li xkamik junaq li qamiiw malaj li qakomon toj reetal naq teʼwakliiq wiʼ chik chi yoʼyo? Saʼ li Raatin li Yos wank junjunq li naʼlebʼ li naru nokooxtenqʼa.

NAQ AK XAAWIL LI BʼIDEO NAQ NAKAMK JUNAQ LI QAKOMON, TAASUME EBʼ LI PATZʼOM AʼIN:

• Kʼaru xeʼxkʼul li xDanielle, laj Masahiro ut laj Yoshimi?

• Kʼaru li oobʼ chi naʼlebʼ kitenqʼank rehebʼ ut chanru?

• Ani naru xkʼojobʼankil qachʼool? (2Co 1:3, 4).