Oksi ebʼ li bʼideo aʼin re xtikibʼankil xtzolbʼal junaq rikʼin li Santil Hu

Wank kaahibʼ li bʼideo li naʼaatinak chirix xtzolbʼal li Santil Hu. Kʼaru aj e li junjunq chi bʼideo, ut chanru tqoksi saʼ li puktesink?

• 

  Kʼaʼut us naq tattzoloq chirix li Santil Hu? (chixjunil). Nakʼanjelak re naq ebʼ li kristiʼaan teʼraj xnawbʼal chirix li Santil Hu maakʼaʼ naxye kʼaru li xpaabʼalebʼ. Naxtenqʼahebʼ chi xsikʼbʼal saʼ li Santil Hu li xsumenkil li xninqal ru patzʼom ut naroksi jun li eetalil re xkʼutbʼesinkil naq tzʼaqal yaal li wank saʼ li Santil Hu. Saʼ xraqik naxchʼolobʼ chanru xpatzʼbʼal xtzolbʼal li Santil Hu.

• 

  Kʼaʼut us naq tattzoloq chirix li Santil Hu? (moko chixjunil ta). Aʼin chanchan li bʼideo bʼarwiʼ wank chixjunil, abʼan saʼ xkʼabʼaʼ naq inkʼaʼ nim roq nakʼanjelak saʼebʼ li teep bʼarwiʼ li kristiʼaan maakʼaʼebʼ xhoonal.

• 

  Chanru natzolmank li Santil Hu? Nakʼanjelak re naq ebʼ li kristiʼaan teʼraj xtzolbʼal li Santil Hu li nabʼaanumank chi sibʼil ut xsumenkil junjunq li patzʼom li teʼraj xnawbʼal, joʼ, chanru xpatzʼbʼal junaq li tzolom.

• 

  Sa qachʼool naq taatikibʼ xtzolbʼal li Santil Hu. Li bʼideo aʼin nakʼutmank choʼq rehebʼ li yookebʼ xtzolbʼal li Santil Hu. Usta li bʼideo aʼin wank saʼ li perel 2 re li tasal hu Sahaq laachʼool!, nakʼutmank ajwiʼ aʼin wi yook xtzolbʼal li folleto. Li bʼideo naxye saʼ wiibʼ oxibʼ li aatin chixjunil li wank saʼ li tasal hu ut naxchʼolobʼ chanru ttzolmanq li Santil Hu.

Usta wank xyaalal ebʼ li junjunq chi bʼideo, naru xkʼutbʼal malaj xtaqlankil aʼ yaal bʼar wank rehebʼ ut yalaq joqʼe. Qakʼehaq qachʼool chi rilbʼal ebʼ li bʼideo aʼin ut roksinkil chiʼus saʼ li puktesink.