Tooruuq xqʼaxbʼal ru li xikʼ ilok!

Maare inkʼaʼ, abʼan aawilom tana chanru naq xikʼ nekeʼileʼk ebʼ li junchʼol. Rajlal naqil naq ebʼ li kristiʼaan xikʼ nekeʼileʼk saʼ xkʼabʼaʼ li xbʼonol li xtibʼel, li xtenamitebʼ ut naq ixqiwinqebʼ. Joʼkan naq wankebʼ li awabʼej nekeʼxxaqabʼ li chaqʼrabʼ re naq maaʼani chik trahobʼtesinq xbʼaan li xikʼ ilok.

Li xikʼ ilok yal naxkʼam chaq xkomon li xikʼ ilok. Ebʼ li xikʼ nekeʼileʼk nekeʼxsikʼ xkʼebʼal reqaj li rahilal li xeʼxkʼul, chi joʼkan li xikʼ ilok maajunwa naʼosoʼk.

Maare laaʼat ak xaateʼxtzʼeqtaana, xaateʼxseʼe malaj xaateʼxhobʼ. Abʼan li xikʼ ilok, qʼaxal ra wiʼ chik. Saʼ xkʼabʼaʼ aʼin, nawank li sakʼok ut li kamsink.

Saʼ li hu aʼin tqatzol chanru tqaqʼax ru li xikʼ ilok ut tqasume ebʼ li patzʼom aʼin:

• Kʼaʼut numtajenaq li xikʼ ilok?

• Chanru tqakanabʼ li xikʼ ilok?

• Ma t-osoʼq saʼ junaq kutan li xikʼ ilok?