Tenqʼ re tzolok

Tzol xkomon aanaʼlebʼ chirix li xchaabʼil naʼlebʼ li Jehobʼa

Naq naqil xsaʼ li Santil Hu naru tqasikʼ xkomon li qanaʼlebʼ re xtawbʼal ru li yooko xtzolbʼal. Abʼan inkʼaʼ tqabʼaanu kaʼajwiʼ re naq wanq naabʼal qanawom. Naqaj xnawbʼal li xchaabʼil naʼlebʼ li Jehobʼa ut aʼin tooxtenqʼa re naq qʼaxal tqara. Re xbʼaanunkil, qakʼoxlaq: «Kʼaru naxkʼut chiwu li raqal aʼin chirix li Jehobʼa?».

Jun eetalil, naru taatzʼil rix xkomon aanaʼlebʼ chirix chanru li Jehobʼa naxkʼutbʼesi: li xrahom, li xchoxahil naʼlebʼ, li xtiikilal ut li xwankilal. Abʼan wank chik xkomon li xchaabʼil naʼlebʼ li Jehobʼa li tatruuq xtzolbʼal. Bʼar naru taataw li naʼlebʼ aʼin?

Sikʼ saʼ Li hu li natenqʼank rehebʼ laj testiiw re li Jehobʼa bʼarwiʼ naxye «Li Jehobʼa» ut moqon bʼarwiʼ naxye «Cualidades de Jehová». Moqon, kʼe aachʼool chi rilbʼal li xchaabʼil naʼlebʼ li Jehobʼa li nakaataw naq nakaayaabʼasi li Santil Hu.