Jultika li naʼlebʼ li jwal wank xwankil

Naq nakatraqeʼk chi tzolok, ma nachʼaʼajkoʼk chaawu xjultikankil li xaatzʼil rix. Maare chiqajunilo naqakʼul aʼin. Kʼaru truuq qatenqʼankil? Xjultikankil li naʼlebʼ li jwal wank xwankil.

Naq nakattzolok, kʼe aahoonal re xkʼoxlankil rix li nakaatzol. Li apóstol Pablo kixye li naʼlebʼ aʼin rehebʼ li rechpaabʼanel li yookebʼ xtzolbʼal li xʼesilhu. Kixye rehebʼ: «Li xnimal ru naʼlebʼ li yooko xyeebʼal aʼan aʼin» (Heb. 8:1). Rikʼin aʼin, kixtenqʼahebʼ re naq teʼxtaw ru li yook xyeebʼal ut teʼxkʼe reetal chanru naxchap ribʼ li junjunq chi naʼlebʼ chiribʼil ribʼ.

Naq tattzoloq oksi lajeebʼ kʼasal re xkʼoxlankil rix li naʼlebʼ li jwal wank xwankil. Wi inkʼaʼ nakaajultika, naru taakʼe aachʼool chi xkʼoxlankil rix li naxye li xkabʼil naʼlebʼ malaj li xtiklajik li raqal. Naq taatzol jun akʼ naʼlebʼ yal xchʼolobʼankil li xaataw ru. Naq nakaajultika li naʼlebʼ li jwal wank xwankil moko saʼ junpaat ta nasach saʼ aachʼool ut nakatruuk xyuʼaminkil.