Kʼaru xbʼaanunkil re rilbʼal xsaʼ li Santil Hu rajlal

Saʼ xkʼabʼaʼ li laatzʼal, ma nachʼaʼajkoʼk chaawu rilbʼal xsaʼ li Santil Hu rajlal kutan? (Jos. 1:8). Kʼaʼut inkʼaʼ taayal xbʼaanunkil wiibʼ oxibʼ rehebʼ li naʼlebʼ aʼin?

• Kʼubʼ xhoonalil wulaj wulaj. Kʼe saʼ laaselular li hoonal re naq tixjultika chaawu joqʼe taawil xsaʼ li Santil Hu.

• Kanabʼ li Santil Hu bʼarwiʼ taawil. Wi taawil chi huhil kanabʼ chi kutankil bʼarwiʼ tatruuq rilbʼal rajlal kutan (Deut. 11:18).

• Chaawabʼi li Santil Hu saʼ yaabʼ kuxej. Naru nakaawabʼi saʼ yaabʼ kuxej li Santil Hu naq yooqat xbʼaanunkil laakʼanjel. Li xTara, jun li naʼbʼej ut aj kʼamolbʼe saʼ li puktesink li nakʼanjelak chiru li qʼoqyink, naxye: «Naq yookin chi kʼanjelak saʼ wochoch nawabʼi li Santil Hu saʼ yaabʼ kuxej ut aʼin nikinxtenqʼa re naq junelik twil xsaʼ li Santil Hu».

• Yal aaqʼe re naq inkʼaʼ taakol junaq li kutan. Wi wank kʼaru tramoq chaawu naq taawil xsaʼ li Santil Hu joʼ chanru xaakʼubʼ, yaabʼasi usta yal jun raqal ajwiʼ naq ok aawe chi wark. Usta inkʼaʼ naabʼal li taayaabʼasi taakʼe reetal naq tatxtenqʼa (1 Ped. 2:2).