Bʼar chalenaq li kʼabʼaʼej testiiw re li Jehobʼa?

Li Santil Hu naxkʼut naq Jehobʼa aʼan xkʼabʼaʼ li Yos (Éxodo 6:3, Exodo en Kʼekchiʼ, Sociedades Bíblicas en Guatemala; Salmo 83:18, La Biblia. Traducción del Nuevo Mundo). Jun li testiiw aʼan li poyanam li naxye li yaal malaj naxkʼe resil li kikʼulmank.

Ut xbʼaan naq laaʼo aj paabʼanel li naqaye li yaal chirix li Jehobʼa, li Kiyobʼtesink re chixjunil, qakʼulubʼ li kʼabʼaʼej testiiw re li Jehobʼa (Apocalipsis 4:11). Naqakʼe ajwiʼ resil rehebʼ li junchʼol naq naqaseeraqʼi rehebʼ li xqatzol saʼ li Santil Hu ut naq nekeʼril li qanaʼlebʼ (Isaías 43:10-12; 1 Pedro 2:12).