Ma oxibʼ ru li Yos?

Li naxsume li Santil Hu

Naabʼal rehebʼ li bʼalaqʼil paabʼal nekeʼxkʼut naq li Yos oxibʼ ru. Abʼanan, kʼe reetal li kixye jun li tasal hu: «Chi moko li aatin Trinidad chi moko li naʼlebʼ chirix aʼin natawmank saʼ li Akʼ Chaqʼrabʼ [...]. Li kʼutum aʼin kiʼok chi sutunk chiru naabʼal siʼeent chihabʼ ut kixkʼam chaq naabʼal li wechʼink» (The Encyclopædia Britannica).

Joʼkan bʼiʼ, maakʼaʼ junaq li raqal li Santil Hu li naxkʼut naq li Yos oxibʼ ru. Kʼe reetal li naxkʼut ebʼ li raqal aʼin:

«Li Qaawaʼ, li qaYos, aʼan jun ajwiʼ chi Qaawaʼ [“Jehobʼa”, TNM]» (Deuteronomio 6:4, Li Santil Hu, Sociedad Bíblica de Guatemala, SBG).

«Re naq teʼxnaw naq laakʼabʼaʼ aʼan Jehobʼa ut kaʼajwiʼ laaʼat Nim Laawankil saʼ xbʼeen chixjunil li Ruuchichʼochʼ» (Salmo 83:18, La Biblia. Traducción del Nuevo Mundo, TNM).

«Aʼan aʼin li junelik yuʼam: naq teʼxnaw aawu laaʼat li junat chi tzʼaqal Yos ut li xataqla chaq, li Jesus aʼ li Kriist» (Juan 17:3, SBG).

«Li Yos jun ajwiʼ» (Gálatas 3:20, SBG).

Abʼanan, kʼaʼut li xkʼihalil ebʼ li paabʼal nekeʼxkʼut naq li Yos oxibʼ ru?