Ma saʼ xmaak li Yos naq wank li rahilal?

Li naxsume li Santil Hu

Li Santil Hu naxye chi tzʼaqal re ru naq moko xmaak ta li Yos! Li xrahilal li winq moko wank ta chaq saʼ li rajom li Yos. Xkʼulmank aʼin xbʼaan naq li xbʼeen qanaʼ qayuwaʼ keʼxqʼet ribʼ chiru li xwankil li Yos ut keʼxxaqabʼ li chaqʼrabʼ chirix li us ut li inkʼaʼ us. Ut saʼ xkʼabʼaʼ naq keʼxkʼe rix re li Yos, kʼajoʼ xrahil keʼxtoj li xmaaʼusilal.

Saʼebʼ li qakutan yooko ajwiʼ xtojbʼal rix li xbʼaanuhomebʼ. Abʼanan, moko saʼ xmaak ta li Yos naq wank li rahilal saʼ xbʼeenebʼ li poyanam.

Li Santil Hu naxye: «Naq taayaleʼq rix junaq, mixye: “Aʼ li Yos nayalok wix”, xbʼaan naq li Yos inkʼaʼ nayaleʼk rix [...] chi moko naxyal rix anihaq» (Santiago 1:13, Li Santil Hu, Sociedad Bíblica de Guatemala). Li rahilal naxchʼaʼajki ebʼ li qas qiitzʼin joʼ ajwiʼ li nekeʼkʼanjelak chiru li Yos.