Tzol chiʼus li puktesink, chanru tatsumenq naq inkʼaʼ teʼraj rabʼinkil li Raatin li Yos

Kʼaʼut aajel ru xbʼaanunkil. Qayehaq naq nakaanaw naq yook chaq chi chalk jun li nimla kaqsut-iqʼ ut naabʼalebʼ teʼkamq wi inkʼaʼ nekeʼxsikʼ xkolbʼal. Joʼkan naq nakaaye chaq re laawechkabʼal, abʼan aʼan naxye aawe naq maakʼaʼ xhoonal ut naq laatzʼ ru. Peʼyaal naq inkʼaʼ raj tatxik, toj taachʼolobʼ raj chiru li chʼaʼajkilal li yook chaq chi chalk saʼ xbʼeen? Joʼkan ajwiʼ nakʼulmank rikʼin naabʼalebʼ li poyanam inkʼaʼ nekeʼraj qabʼinkil xbʼaan naq inkʼaʼ nekeʼxnaw naq li esil li naqakʼam naru nakolok rehebʼ. Maare yookebʼ xkʼaʼuxl naq nokoowulak saʼebʼ li rochoch (Mat. 24:37-39). Maare xeʼxpaabʼ junaq li tikʼtiʼ li yoobʼanbʼil chiqix (Mat. 11:18, 19). Malaj nekeʼxkʼoxla naq laaʼo jun rehebʼ li paabʼal li inkʼaʼ naxkʼut li yaal (2 Ped. 2:1, 2). Wi junaq li poyanam inkʼaʼ tooxkʼul chiʼus, inkʼaʼ tqakʼoxla saʼ junpaat naq inkʼaʼ naraj xnawbʼal li yaal, tqasikʼ bʼan chanru tooʼaatinaq rikʼin saʼ jun chik kutan.