Jun li qoybʼenihom li naxsahobʼresi qachʼool

Li qoybʼenihom chanchan jun li chʼiichʼ li naxchap jun li jukubʼ (Heb 6:19). Nokooxtenqʼa re naq inkʼaʼ tootʼaneʼq naq tqanumsi junaq li kaqsut-iqʼ saʼ li qapaabʼal (1Ti 1:18, 19). Ebʼ li kaqsut-iqʼ aʼin maare naq inkʼaʼ us nokooʼelk saʼ li qayuʼam, naq nokookanaak saʼ nebʼaʼil, naq naqakʼul junaq li nimla yajel, naq nakamk junaq li qakomon malaj junaq chik li naʼlebʼ li tixkʼe saʼ chʼaʼajkilal li xtiikilal qachʼool chiru li Jehobʼa.

Li qapaabʼal ut li qoybʼenihom nokooxtenqʼa chi rilbʼal chiʼus li osobʼtesink li naxyeechiʼi qe li Yos (2Co 4:16-18; Heb 11:13, 26, 27). Joʼkan naq, tento naq rajlal tqakʼoxla rix xyeechiʼom li Santil Hu re xkawresinkil li qoybʼenihom, maakʼaʼ naxye ma saʼ choxa malaj arin saʼ Ruuchichʼochʼ. Chi joʼkan, naq wanqo saʼ chʼaʼajkilal saʼ xkʼabʼaʼ li aaleek, moko chʼaʼajkaq ta chiqu xtawbʼal li sahil chʼoolejil (1Pe 1:6, 7).

NAQ AK XʼILMANK LI BIDEO «REGOCÍJENSE EN LA ESPERANZA», TEESUME EBʼ LI PATZʼOM AʼIN:

• Kʼaʼut naq laj Moises jun chaabʼil eetalil choʼq qe?

• Kʼaru li kʼanjel tenebʼanbʼil saʼ xbʼeenebʼ li nekeʼjolomink re li junkabʼal?

• Kʼaru ebʼ li naʼlebʼ naru nakaawoksi re xloqʼoninkil li Jehobʼa joʼ junkabʼal?

• Chanru naru qatenqʼankil li oybʼenihom chi xkuybʼal ebʼ li rahilal chi kawaq qachʼool?

• Kʼaru tzʼaqal nakaarahi ru?