TZOLOM 11

Aatinan chi sa saʼ laachʼool

Romanos 12:11

WIIBʼ OXIBʼ LI AATIN: Aatinan chi anchal aachʼool re naq taawaklesihebʼ xchʼool li yookebʼ chaawabʼinkil.

Kʼe xbʼeenwa saʼ laachʼool. Naq taakʼubʼ aawibʼ, kʼoxla kʼaʼut wank xwankil li esil. Tzol chiʼus li naʼlebʼ re naq tatruuq xchʼolobʼankil chi anchal aachʼool.
Kʼoxla li yookebʼ chaawabʼinkil. Kʼoxla kʼaru rusilal teʼxtaw rikʼin li taaye rehebʼ malaj li taayaabʼasi. Kʼoxla chanru taachʼolobʼ li naʼlebʼ re naq teʼxtaw ru chiʼus ut teʼroxloqʼi.
Bʼaanu naq teʼrekʼa li yookat chi xyeebʼal. Aatinan chi sa saʼ laachʼool. Rikʼin laajunxaqalil ut laawu taakʼutbʼesi naq yookat chi aatinak chi anchal aachʼool ut naq yaal li nakaaye.

Maawekʼasi kaʼajwiʼ laawuqʼ malaj laawu xbʼaan naq naru teʼxkanabʼ aawabʼinkil. Tento naq wanq xyaalalil kʼaʼut taawekʼasi laawu malaj laawuqʼ. Ye chi sa saʼ laachʼool ebʼ li naʼlebʼ li wank xwankil malaj re naq teʼxbʼaanu junaq li naʼlebʼ. Abʼan, wi junelik tat-aatinaq chi joʼkan, teʼtitzʼq chaawabʼinkil.