Tatkʼutuq chi sa saʼ laachʼool

Wi nokookʼutuk chi sa saʼ qachʼool, joʼkan ajwiʼ teʼrekʼa ebʼ li poyanam ut teʼxkʼe xchʼool chi qabʼinkil. Wi naqabʼaanu aʼin chi sa saʼ qachʼool, tqakʼutbʼesi ajwiʼ naq oxloqʼ chiqu li esil. Maakʼaʼ naxye bʼar nokoochalk ut chanru li qanaʼlebʼ, chiqajunilo nokooruuk xbʼaanunkil aʼin (Ro 12:11). Chanru?

Xbʼeenwa, kʼoxla naq wank xwankil li esil li taaye. Kʼebʼil aawe li maatan re xkʼebʼal chi naweʼk «li chaabʼil esilal» (Ro 10:15, SBG). Moqon chik, kʼoxla li rusilal li tixtaw li t-abʼinq re li esil aʼin. Aajel ru naq teʼrabʼi (Ro 10:13, 14). Tojaʼ naq taaye chi anchal aachʼool ut taakʼutbʼesi rikʼin xnaqʼ aawu ut laajunxaqalil.

NAQ AK XAAWIL LI BʼIDEO LI SAHIL CHʼOOLEJIL RE XTZOLBʼALEBʼ LI POYANAM. QATZOLAQ CHIʼUS CHANRU TOOKʼUTUQ: CHOOKʼUTUQ CHI SA SAʼ QACHʼOOL, TAASUME EBʼ LI PATZʼOM AʼIN:

• 

  Kʼaʼut moko sa ta chik xchʼool li xRita chi xtzolbʼal li xCoral?

• 

  Kʼaru kitenqʼank re li xRita?

• 

  Kʼaʼut tqakʼe qachʼool chi rilbʼal li xchaabʼilal xnaʼlebʼ li t-abʼinq qe?

• Chanru tqatenqʼahebʼ li qatzolom ut ebʼ li junchʼol wi nokookʼutuk chi sa saʼ qachʼool?