Oksi chiʼus ebʼ li patzʼom

Li Jehobʼa, li «Yos li sa saʼ xchʼool», naraj naq tqataw xsahil qachʼool saʼ li puktesink (1Ti 1:11, La Biblia. Traducción del Nuevo Mundo, 2019 saʼ Español). Tqataw xkomon xsahil qachʼool saʼ li puktesink wi naqatzol chiʼus chanru tqabʼaanu. Ebʼ li patzʼom naru nokooʼeʼxtenqʼa re naq ebʼ li poyanam teʼraj qabʼinkil ut re naq tooʼoq chi aatinak. Naxkʼe ajwiʼ chi xkʼoxlankil ut chi naʼlebʼak ebʼ li poyanam (Mt 22:41-45). Naq tqabʼaanu li patzʼom ut naqakʼe qachʼool chi rabʼinkil li xsumenkil, chanchan tawiʼ yooko xyeebʼal re, naq naqakʼe qachʼool chirix (Snt 1:19). Li tixye tooxtenqʼa chi xnawbʼal kʼaru chik tqaye.

NAQ AK XAAWIL LI BʼIDEO LI SAHIL CHʼOOLEJIL RE XTZOLBʼALEBʼ LI POYANAM. QATZOLAQ CHIʼUS CHANRU TOOKʼUTUQ: QOKSIHAQ CHIʼUS EBʼ LI PATZʼOM, TAASUME EBʼ LI PATZʼOM AʼIN:

• 

  Bʼar wank xchaabʼilal li xCoral?

• 

  Kʼaru kixbʼaanu li xRita re xkʼutbʼesinkil naq naxkʼe xchʼool chirix li xCoral?

• 

  Kʼaru patzʼom kixbʼaanu li xRita re naq li xCoral traj xnawbʼal xkomon li naʼlebʼ chirix li chaabʼil esil re li Xʼawabʼejilal li Yos?

• 

  Kʼaru patzʼom kixbʼaanu li xRita re xtenqʼankil li xCoral chi naʼlebʼak?