Ekʼasi xchʼoolebʼ

Li xpaabʼankil li Yos nasiyank saʼ qachʼool (Pr 3:1). Joʼkan bʼiʼ, naq nokookʼutuk, tento tqayal qaqʼe chi wulak saʼ xchʼoolebʼ li nekeʼabʼink qe. Chanru tqabʼaanu?

Moko kaʼaj tawiʼ taakʼut chiru laatzolom li naxye li Santil Hu. Tenqʼa bʼan re naq tixkʼe reetal naq li kʼaru yook xtzolbʼal wank xwankil saʼ li xyuʼam ut li xwanjik rikʼin li Jehobʼa. Kʼut chiru chanru naq li naʼlebʼ li natawmank saʼ li Santil Hu naxkʼutbʼesi li xrahom, li xchaabʼilal ut li xtiikilal xchʼool li Yos. Saʼ tuulanil, bʼaanu re ebʼ li patzʼom re naq tixtzʼil rix kʼaru naxkʼoxla chirix li yook xtzolbʼal. Tenqʼa chi xkʼoxlankil chanru tchaabʼiloʼq ru li xyuʼam wi tixkanabʼ xbʼaanunkil li xikʼ naril li Jehobʼa. Naq taakʼe reetal naq laatzolom naxra chi anchal xchʼool li Jehobʼa, qʼaxal tsahoʼq saʼ laachʼool.

NAQ AK XAAWIL LI BʼIDEO LI SAHIL CHʼOOLEJIL RE XTZOLBʼALEBʼ LI POYANAM. QATZOLAQ CHIʼUS CHANRU TOOKʼUTUQ: QEKʼASIHAQ XCHʼOOLEBʼ, TAASUME EBʼ LI PATZʼOM AʼIN:

• 

  Kʼaʼut naq li xRita kixpatzʼ re li xCoral ma kixnaʼlebʼa rix li xeʼaatinak wiʼ saʼ li kutan martes?

• 

  Chanru kixbʼaanu li xRita re xtenqʼankil li xCoral chi rilbʼal naq li xchaqʼrabʼ li Jehobʼa naxkʼutbʼesi naq naraheʼk xbʼaan?

• 

  Chanru kitenqʼaak li xCoral xbʼaan li xRita chi xkʼutbʼesinkil naq naxra li Jehobʼa?